Saturday 14 November 2020

मिर्झापूर - रक्तलांच्छित सूडनाट्य


                                                       

    
                                   मिर्झापूर - रक्तलांच्छित सूडनाट्य
भारतीय ओ टी टी  मार्केट वर सध्या मिर्झापूर सीजन २ ची धूम आहे . मिर्झापूर चा बहुचर्चित आणि बहुप्रतिक्षित सीजन २ आता ऍमेझॉन प्राईम वर स्ट्रीम होतोय .नेटफ्लिक्स वरच्या सॅक्रीड गेम्सने भारतीय ओ टी टी कन्टेन्टला एक नवीन निर्णयक वळण दिले .दमदार लेखन,अभिनय ,दर्जेदार निर्मितीमूल्ये असलेली ही सिरीज भारतीय प्रेक्षकांना चांगलीच आवडली. सर्वच वयोगटातले प्रेक्षक या वेब सिरीज ने ओ टी टी प्लॅटफॉर्म वर खेचले .क्राईम जॉनर ची हि लीगसी पुढे नेण्याचे काम मिर्झापूर सीजन १ ने केले. सध्या तरी ओ टी टी कंटेण्ट निर्मितीला अजून तरी सेन्सॉरची बंधने नसल्यामुळे दिग्दर्शक आणि कलाकार ओटीटी प्लॅटफॉर्म वर खूपच स्वातंत्र्य घेतात त्यामुळे भाषा,न्यूडिटी आणि तत्सम कन्टेन्ट मध्ये कुठलेही पारंपरिक संकेत पाळले जात नाहीत .त्यामुळे हा कन्टेन्ट फॅमिली बरोबर पाहणे म्हणजे अवघडच .असो,तर मिर्झापूर सीजन २ आता धमाक्यात रिलीज झालाय आणि हिट हि ठरतोय . ज्या लोकांना क्राइम ड्रामा पसंद आहे त्यांच्यासाठीहि पर्वणीच आहे अर्थात पहिला सीजन पहिला असेल तर. पहिला सीजन प्रेक्षकाना क्लिफ हँगर मध्ये  ठेऊनच संपला .त्यामुळे आता प्रेक्षकांचा प्रतिसाद दणक्यात लाभतोय .                                                                                
                   मिर्झापूर यु पी मधलं एक शहर या शहरातील बेलगाम गुन्हेगारी चालू आहे , कायदा अस्तित्वात नसल्यातच जमा आहे .पोलीस ही  गुन्हेगारांच्या पे रोल वरच काम करत आहेत. देशी कट्टे ,अफीम यांचा मुक्त व्यापार चाललाय. मिर्झापूर हे जणू एक जंगल आहे आणि हे जंगल एक प्रस्थापीत नियम मात्र कसोशीने पाळते तो म्हणजे बळी तो कानपिळी .ज्याच्याकडे जितका दारुगोळा तो तितका ताकदवान .या जंगलावर देशी कट्ट्याच्या व्यापाराच्या जोरावर कालीन त्रिपाठी मिर्झापूरवर राज्य करतोय .  पण वडिलोपार्जित चालत असलेली मिर्झापूरची हि गादी राखून ठेवणे हे त्याच्यासाठी तितकं सोपे राहिलेलं नाहीये . कालीन भैयाच्या साम्राज्याला उद्धवस्थ करण्यासाठी गुड्डू पंडित आणि गोलू जंग जंग पछाडताएत त्यामध्ये शरद शुक्ला ची ही  छुपी साथ त्यांना लाभते आहे .परंतु हि कहाणी इतकी सरळधोपट आणि साधी बिल्कुलच नाहीये .प्रत्येक व्यक्तिरेखा आपल्या उद्दिष्ट प्राप्त करण्यासाठी  कोणत्याही थराला जाण्यासाठी तयार आहेत प्रत्येक एपिसोडगणिक प्रत्येक व्यक्तिरेखेचे वेगळे कंगोरे समोर येतात.    मिर्झापूरच्या शहराची सत्ता आपल्या हातात यावी म्हणून उतावळा असलेला स्पॉईल्ड ब्रॅट मुन्ना त्रिपाठी आणि आपल्या मुलाला युवराज बनवण्यासाठी कुठलाही विधिनिषेध न बाळगणारी दुसरी बायको बीना त्रिपाठी  ह्या सर्व जंजाळात फासलेला कालीन भैय्या बाहेर पडतो का ?  बदल्याच्या आगीत जळणारे गुड्डू पंडित आणि गोलू आपल्या भावाचा व बहिणीचा बदला घेण्यात यशस्वी होतात का ? या प्रश्नांची उत्तरे मात्र सिरीज  पाहिल्यानंतरच मिळतील प्रतिशोध,सत्ता , राजकारण , वासना , ह्या मानवी भावना आडपडदा न ठेवता आपल्या समोर येतात .दिग्दर्शन आणि लेखन या बदला नाट्याला वेगळ्याच उंचीवर घेऊन जातात  .कलाकारांचा दमदार अभिनय हि या सिरीज ची जमेची बाजू  . कालीन भैयाच्या च्या रोल मध्ये पंकज त्रिपाठी यांनी कमाल केली आहे अभिनयातलं  सहजपण ,  भूमिकेवरची पकड  यामुळे त्रिपाठो यांनी साकारलेला कालीन भैय्या अतिशय नॅचरल वाटतो . बाबूजीच्या रोल मध्ये कुलभूषण खरबंदा यांनी आपल्या लौकिकाला साजेसा अभिनय केलाय . विशेष उल्लेख करावा दिव्येंदु शर्मा चा . बिना विचार बंदुकीचा ट्रिगर ओढणे असू दे अथवा कुणाचाही मुलाहिजा ना बाळगणारा असा बंडखोर मुन्ना भैया दिव्येंदु ने मस्त साकारलाय. गुड्डू च्या भूमिकेत अली फझल , गजगामिनी उर्फ गोलू  च्या रोलमध्ये -श्वेता त्रिपाठी , बिना च्या रोलमध्ये - रसिका दुग्गल यांच्या भूमिकाही उत्तम झाल्यात.बाकीच्या सहकलाकारांच्या भूमिका हि उत्तम झाल्यात  पार्श्वसंगीत , सेट्स , छायाचित्रण या डिपार्टमेंट मध्येही कामगिरी उत्तम आहे.
         
ज्यांच्या प्लेलिस्ट मध्ये क्राईम ड्रामा चा समावेश असतो त्यांच्यासाठी दिवाळी मध्ये पाहण्यासाठी  एक चांगला पर्याय आहे . अर्थात ज्यांना हिंसाचार,खुन, शिवराळ भाषा याचा तिटकारा आहे त्यांनी  सेरीजच्या वाटेला न गेलेलच बरं. 


Tuesday 27 October 2015

लेट्स ब्रेक द रुबिक्स कोड !!

         


लेट्स ब्रेक रुबिक्स कोड !!

   रुबिक्स क्यूब म्हणजे एक अफलातून 3D पझल. हा रंगीबेरंगी ठोकळा पाहताक्षणीच पाहणाऱ्याची उत्सुकता चाळवते तो क्यूब हातात घेऊन क्यूबच्या बाजु फिरवून बघितल्याशिवाय त्याची उत्सुकता शमत नाही . हंगेरीच्या अर्नो रुबिक्स नावाच्या हंगेरीयन आर्कीटेक्टचं हे ब्रेन चाईल्डअकॅडमी ऑफ अप्लाईड आर्ट्स अॅन्ड क्राफ्ट मध्ये प्रोफेसर म्हणून काम करत असताना आपल्या विद्यार्थ्याना स्थापत्य शास्त्रातल्या त्रिमितीय संरचना समजावुन घेणे सोपे जावे म्हणून या क्यूबची रचना केली . क्यूब तयार केल्यानंतर पहिल्यांदा स्क्रॅम्ब्ल करेपर्यंत त्याला स्वतःला देखील कल्पना नव्हती कि त्याने एका अनोख्या पझलची निर्मिती केलीय. त्याच्या या नव्या शोधाचीगेमिंग व्हॅल्यूलक्षात आल्यावर त्याने हंगेरी मध्ये या नव्या खेळण्याचं पेटंट रजिस्टर करवून घेतलं . आपल्या या जादुई खेळण्याचं नावही अर्नो नेजादुई ठोकळाम्हणजेमॅजीक क्यूबअसंच ठेवलं. सन १९८० पर्यंत हेच नाव प्रचलित होतं पण पेटंट रजिस्टर झाल्यावर क्यूबचा निर्माता म्हणून अर्नो रुबिक्सच्या प्रती एक कृतज्ञता म्हणून तसेच व्यापाराच्या सोयीसाठीही एक ट्रेडमार्क म्हणून याचं नाविन बारसं करण्यात आलं, त्यामुळे सन १९८० पासून हा क्यूबरुबिक्स क्यूबम्हणून ओळखला जाऊ लागला . हा खेळ बाजारात आल्यावर लवकरच लोकप्रिय झाला पण याला खरी लोकप्रियता लाभली ती अमेरिकन खेळणी बाजारातील प्रवेशानंतरच तीही ८० च्या दशकातच . आजमितीला जगातलं सर्वात जास्त लोकप्रिय खेळणं  हा बहुमान रुबिक्स क्यूबच्याच नावावर आहे . ह्या खेळाची जगभरातील लोकप्रियता वाढतेच आहे . दरवर्षी जगात वर्ल्ड रुबिक्स क्यूब चॅम्पियनशिप आयोजित केली जाते . यावर्षीची स्पर्धा साओ पावलो येथे पार पडली . क्यूब जुळवण्याची सर्वोत्तम वेळ सेकंद  इतकी नोंदवली गेली !!  हा पराक्रम केला ऑस्टेृलियाच्या फेलिक्स झेम्देग्स या तरुणाने . एवढ्या कमी वेळात हा क्यूब सोडवणं म्हणजे कायच्या कायच . कारण हा क्यूब सोडवणे म्हणजे नॉट एवरीबडीस कप ऑफ टी . सहा बाजूंचे रंग एकदा फिस्कटल्यावर ते परत जुळवणे कर्मकठिण आणि एवढ्या कमी वेळात ते जुळवणे म्हणजे लईच सॉलीड काम आहे . हॉलीवूड आणि बॉलीवूड मधेही या क्यूबची फॅन मंडळी आहेत . आपला आमीर खान थ्री इडीयट्सच्या प्रमोशनच्या वेळी हा क्यूब बाळगत होता . हॉलीवूड मध्ये विल स्मिथलाही या क्यूब ची भुरळ पडली होती. बऱ्याच पाश्चिमात्य टेलीविजन सेरीज मध्ये एखाद्या बुद्धिमान पात्राच्या हातात हा ठोकळा हमखास दिसतो . कुशाग्र बुद्धिमत्तेचं प्रतिक म्हणून हा क्यूब कधीच मान्यता पावलाय .
हा खेळ प्रॅक्टीस करण्याचे फायदेही खूप आहेत . हा खेळ खेळताना मेंदूचा कस लागतो .  तज्ञाच्या मतानुसार हा खेळ मेंदूच्या डाव्या उजव्या भागामध्ये समन्वय साधण्यास मदत करतोत्यामुळे तार्किक विचार (लॉजिकल रिजनिंग) आणि नव निर्मिती या गुणांचा विकास होतो . क्यूब सोडवताना हँड आय को ऑर्डीनेशन एकदम मस्ट . त्यामुळे हँड आय कोऑर्डीनेशन सुधारण्यास मदत होते .प्रॉब्लेम सोल्व्हिंग स्किल्स , स्मरणशक्ती , संयम आणि चिकाटी या गुणांचा विकास होतोवयाची कोणतीही लिमिट नाही . कोणीही हा ठोकळा हातात घ्यावा आपला हात साफ करावा असा हा माइंड ब्लोईंग ख्योळ हाय . आणि यंगस्टर्स ना तर सध्याच्या सो कॉल्ड सोशल बिझिनेस मध्ये थोडासा ब्रेक म्हणून याकडे पाहायला काहीच हरकत नाही , तसेच स्कूल गोइंग टीन एजर्स ना मोबाईल तसेच व्हिडिओ गेम पासुन दूर ठेवण्यासाठी पेरेंट्सणी ह्या पर्यायाचा वापर करायला हरकत नाही . सिनियर सिटीजन्सनी देखील एक उत्तम ब्रेन एक्सरसाइज किंवा एक चांगला टाइमपास म्हणून ट्राय करून पाहावा .
              अशा या रुबिक्स क्यूबशी माझा संबंध एक वर्षापूर्वी आला .  पझल सोल्व करण्याच्या वेडाने  ताबा घेतला . युट्युब , विकी , गुगल सगळीकडे धुंडाळूण याचे अल्गोरीदम्स मिळवले आणि शेवटी याला सोडवलाच. सोडवताना खूप मजा आली आणि सोडवल्यानंतरचा आनंद लैच भारी . एक गोष्ट लक्षात आली कि मराठीतून ह्याविषयी खूप कमी माहिती उपलब्ध आहे . सारे अल्गोरीद्म्स, विडीओज इंग्रजी मध्ये आहेत . सारे अल्गोरिदम माहित झाले कि ते १० दिवसात हा क्यूब जुळवता येऊ शकतो . हे अल्गोरीद्म्स आपल्या ब्लोग वर का शेअर करू नये असा विचार मनात आला आणि हि पोस्ट लिहायला घेतली . हे अल्गोरीद्म्स टप्प्या टप्प्याने जसा वेळ मिळेल तास शेअर करूण याची एक सेरीज करावी असा विचार आहे . जेणेकरून इतर लोकांना हि यातील गम्मत कळावी . तसेच इंजिनीरिंग स्टुडंट्स माझ्याकडे शिकण्यासाठी येत असतात (थोडीशी वरकमाई !!) . त्यांनाही नोट्स म्हणुन हे अल्गोरीद्म्स वापरता येतील . तसेच अधिकाधिक मराठी नेटकरांपर्यंत देखील हे अल्गोरीद्म्स पोहोचतील .
धन्यवाद !!